Cybex Anoris S Airbag

Öruggur framvísandi akstur fyrir barnið þitt með innbyggðum loftpúða sem veitir vörn fyrir allan efri hluta líkamans. Anoris S Airbag bílstóllinn er hluti af S-Line Modular kerfinu og er því tilvalið næsta skref þegar barnið vex upp úr Cloud S ungbarnabílstólnum.

• Aldur: Frá 15 mánaða til um 7 ára aldurs
• Hæð barns: 76–125 cm
• Hámarksþyngd barns: 21 kg
• Öryggisstaðall: UN R129/04

FRAMTÍÐIN ER MEÐ LOFTPÚÐA

Kynntu þér næstu kynslóð öryggislausna fyrir framvísandi bílstóla. Anoris S byggir á arfleifð Anoris T, sem náði framúrskarandi árangri í ADAC-prófunum og var fyrsti bílstóll heims með innbyggðum loftpúða sem veitir vörn fyrir allan efri hluta líkamans.

Anoris S er ætlaður börnum frá 15 mánaða aldri og upp að um 7 ára aldri. Hann sameinar öryggi á heimsmælikvarða, einstök þægindi og frelsi til hreyfinga.

Anoris S er hluti af CYBEX Platinum S-Line Modular kerfinu og er festur á sama Base S grunn og Cloud S ungbarnabílstóllinn. Þannig geturðu nýtt sama grunn í allt að sjö ár og fengið fjölhæfa lausn sem vex með barninu.

Í hefðbundnum bílstól getur öryggi barns minnkað um allt að 50%¹ ef því er snúið of snemma í framvísandi akstursstöðu. Með sannreyndri loftpúðatækni veitir Anoris S Airbag sambærilega vörn og bakvísandi bílstóll.

Þetta hefur verið staðfest í prófunum hjá ADAC, einu virtasta öryggis- og prófunarsamtaki Evrópu².

AUGNSAMBAND OG NÁND

Framvísandi akstur sem auðveldar samskipti

Gerðu hverja bílferð að tækifæri til að tengjast, uppgötva nýja hluti og upplifa heiminn saman sem fjölskylda.

Framvísandi akstursstaða gefur barninu færi á að fylgjast með umhverfinu og kanna heiminn í kringum sig, á sama tíma og það getur haldið tengslum við þig með hjálp baksýnisspegilsins.

RÚMT FÓTRÝMI OG FRELSI TIL AÐ HREYFA SIG

Framvísandi bílstóll með stillanlegum öryggisskyldi

Gefðu barninu frelsi til að hreyfa sig og styðja þannig við líkamlegan og andlegan þroska þess. Stillanleg öryggisskjöldur veitir aukna vernd án þess að skerða eðlilegar hreyfingar barnsins.

Rúmgóð hönnun bílstólsins tryggir gott pláss og þægindi, og hann hefur hlotið AGR-vottun fyrir vinnuvistfræðilega hönnun.

AUÐVELDARA AÐ SETJA BARNIÐ Í BÍLSTÓLINN

Fljótlegt og þægilegt að koma barninu fyrir með 180° snúningi

Snúðu Anoris S að bílhurðinni til að auðvelda þér að setja barnið í bílstólinn og taka það úr honum.

Nýjung í Anoris S-línunni er 180° snúningur sem hægt er að framkvæma með annarri hendi. Hann dregur úr álagi á foreldra og gerir bílferðina þægilegri fyrir barnið.

FJÖLHÆFT KERFI – EINN GRUNNUR, ÞRÍR BÍLSTÓLAR

Einföld yfirfærsla frá Cloud S

Með S-Line Modular kerfinu geturðu notað sama Base S grunninn í allt að 7 ár. Byrjaðu á Cloud S ungbarnabílstólnum og veldu síðan á milli Sirona S fyrir bakvísandi akstur eða Anoris S Airbag fyrir framvísandi akstur með innbyggðri loftpúðatækni.

Hvort sem þú velur færðu framúrskarandi öryggi, hnökralaus skipti á milli bílstóla og langtímavirði í einni fjölhæfri lausn sem vex með barninu.

ÖRYGGI SEM VARIR FRÁ 15 MÁNAÐA TIL 7 ÁRA ALDURS

CYBEX GrowTech

Anoris S Airbag aðlagast vexti barnsins frá 15 mánaða aldri og allt að 7 ára aldri (76–125 cm). Höfuðpúðinn býður upp á 12 stillingar, öryggisskjöldurinn 9 stillingar og hægt er að velja um 3 hallastöður. Þannig fær barnið góða líkamsstöðu og stuðning sem fylgir því eftir því sem það stækkar.

25% MEIRI VÖRN VIÐ HLIÐARÁREKSTUR³

Línulegt hliðarvarnarkerfi (L.S.P.)

Þetta þriggja þrepa öryggiskerfi dregur úr höggkrafti um allt að 25% með því að beina orkunni inn í höggdeyfandi ytri skel bílstólsins og höfuðpúðann³. L.S.P.-hliðarvörnin opnast sjálfkrafa þegar umbúðirnar eru fjarlægðar, svo uppsetningin verður enn einfaldari og eitt færra atriði til að hafa áhyggjur af.

LÚXUS HÖNNUN FYRIR ÞIG OG BARNIÐ ÞITT

Glæsilegir leðuráferðarfletir og mesh-efni

Hönnun Platinum Style-línunnar sækir innblástur í glæsilegustu lúxusbíla. Tvílitir fletir með leðuráferð falla fallega saman við loftgott mesh-efni og skapa fágað og tímalaust útlit. Útkoman er glæsileg hönnun fyrir þig og einstaklega þægileg upplifun fyrir barnið.

Eingöngu í boði í Style-útfærslum.

GÓÐ ÖNDUN OG LOFTRÆSTING

Loftræsting allan hringinn og rakastýring

Innbyggðar loftræstirásir í bílstólnum hjálpa til við að halda barninu svölu og þurru allt árið um kring. Í Style-útfærslunum er einnig að finna nýstárlegt 3D mesh-efni sem stuðlar að rakastýringu og eykur loftflæði allt að sexfalt miðað við hefðbundin efni.

Eingöngu í boði í Style-útfærslum.

FULLKOMIN SÓLARVÖRN

Innbyggð sólskyggni með glugga

XXL sólskyggni með UPF50+ sólarvörn⁴, sem fylgir Style-útfærslunum, ver viðkvæma húð barnsins fyrir sólinni og dregur úr glampa svo barnið geti notið rólegra lúra án truflana. Sólskyggnið er laust og hægt að taka það af þegar þess þarf ekki. Loftgluggi stuðlar jafnframt að góðri loftræstingu.

MJÚKT VIÐ HÚÐINA – ÖRYGGI Í HVERJU SMÁATRIÐI

Prófanir sem ganga lengra en kröfur reglugerða

Barnið þitt á það besta skilið frá fyrstu dögum lífsins. Þess vegna eru vörur okkar prófaðar með tilliti til skaðlegra efna, svo sem þungmálma, þalata, logavarnarefna og annarra takmarkaðra efna. Prófanirnar fara fram á viðurkenndum rannsóknarstofum innan fyrirtækisins og ganga lengra en þær kröfur sem reglugerðir á okkar mörkuðum gera.

UPPSETNING

Þessi bílstóll passar aðeins á Base S

Anoris S Airbag bílstóllinn smellur auðveldlega á og af Base S grunninum. Grunnurinn er festur í bílinn með ISOFIX-festingum og stuðningsfæti sem tryggir aukinn stöðugleika og öryggi.

Base S grunninn má einnig nota með Cloud S ungbarnabílstólnum og Sirona S bílstólnum, þannig að sama undirstaða nýtist þegar barnið stækkar.

Leitaðu að i-Size merkingu í bílnum þínum til að athuga hvort hann sé samhæfur. Ef bíllinn er ekki með i-Size merkingu en er með ISOFIX-festingar skaltu athuga samhæfni í samhæfnileit okkar fyrir bíla.

Fyrir frekari upplýsingar bendum við á verslun okkar í Bæjarlind 6. Okkur er einnig að finna í tölvupósti ninekids@ninekids.is eða í síma 77 55 999 á opnunartíma verslunar.


Þar sem um öryggisvöru er að ræða er hvorki hægt að skila eða skipta bílstólum eftir að þeir eru farnir úr verslun okkar. Ekki er mælt með því að öryggisvörur séu sendar með Dropp eða sambærilegum flutningsaðilum, slíkt er alltaf á ábyrgð þess sem kaupir vöruna.